દેશની સૌથી મોટી એરલાઇન્સ ઇન્ડિગોની ટેકનિકલ સમસ્યા અને ક્રૂ શેડ્યુલિંગની અડચણને કારણે આજે પાંચમો દિવસ પણ ફ્લાઇટ કેન્સલેશનનો દોર ચાલુ રહ્યો છે. છેલ્લા ચાર દિવસમાં કંપનીએ ૧,૫૦૦થી વધુ ફ્લાઇટ રદ કરી છે, જેના કારણે દિલ્હી, મુંબઈ, બેંગલુરુ, ચેન્નઈ, હૈદરાબાદ, કોલકાતા સહિત દેશના તમામ મોટા એર્ટ પર અરાજકતાના દૃશ્યો જોવા મળી રહ્યા છે.
મુસાફરોની લાંબી કતારો, ગુસ્સો અને હતાશા એરપોર્ટની બહાર દેખાઈ રહી છે. ઘણા મુસાફરોને રાતભર એરપોર્ટ પર જ રોકાવું પડ્યું છે, જ્યારે કેટલાકે છેલ્લી ઘડીએ ટ્રેન કે બસનો સહારો લીધો છે.
ઇન્ડિગો ફ્લાઇટના ભાડાની ઉપલી મર્યાદા નક્કી
મુસાફરોની મુશ્કેલી અને બાકીની એરલાઇન્સ દ્વારા અચાનક ભાડામાં થયેલા ઉછાળળાને ધ્યાનમાં રાખીને નાગરિક ઉડ્ડયન મંત્રાલયે આજે મોડી સાંજે મહત્વનો નિર્ણય લીધો છે. હવે ઘરેલુ ઉડાનોના ભાડા માટે ઉપલી મર્યાદા (fare cap) લાગુ કરવામાં આવી છે:
- ૫૦૦ કિલોમીટર સુધીની મુસાફરી: મહત્તમ ₹૭,૫૦૦
- ૫૦૦–૧,૦૦૦ કિલોમીટર: મહત્તમ ₹૧૦,૦૦૦
- ૧,૦૦૦–૧,૫૦૦ કિલોમીટર: મહત્તમ ₹૧૩,૦૦૦
- ૧,૫૦૦ કિલોમીટરથી વધુ: મહત્તમ ₹૧૮,૦૦૦
આ નિયમ તાત્કાલિક અમલમાં મૂકાઈ ગયો છે અને આગામી ૧૫ દિવસ સુધી લાગુ રહેશે.
ઇન્ડિગોની જાહેરાત: ૫થી ૧૫ ડિસેમ્બરની રદ થયેલી ટિકિટના પૂરા પૈસા પરત
મુસાફરોના વ્યાપક વિરોધ અને સોશિયલ મીડિયા પર ઉઠેલા રોષને પગલે ઇન્ડિગોએ આજે સાંજે નિવેદન જાહેર કર્યું છે કે ૫ ડિસેમ્બરથી ૧૫ ડિસેમ્બર ૨૦૨૫ દરમિયાન જે તમામ ફ્લાઇટ રદ થઈ છે અથવા થશે, તે તે ટિકિટના સંપૂર્ણ પૈસા (૧૦૦% રિફંડ) બિનશરતી રીતે પરત કરવામાં આવશે. કોઈ કેન્સલેશન ચાર્જ કે ડિડક્શન લાગુ પડશે નહીં. આ ઉપરાંત જે મુસાફરો રિશેડ્યુલ કરેલી ફ્લાઇટમાં મુસાફરી કરશે તેમને પણ ભાડાનો તફાવત પરત આપવામાં આવશે.
હાલ ઇન્ડિગોના ૩૦%થી વધુ ફ્લાઇટ શિડ્યુલને અસર થઈ છે અને કંપનીએ આગામી બે દિવસમાં પરિસ્થિતિ સામાન્ય થવાનો દાવો કર્યો છે. જોકે મુસાફરોમાં હજ હજુ પણ અવિશ્વાસનું વાતાવરણ છે.
આ મુશ્કેલ સમયમાં દેશના અન્ય એરલાઇન્સ – એર ઇન્ડિયા, વિસ્તારા, એક્સપ્રેસ અને સ્પાઇસજેટ – દ્વારા વધારાની ફ્લાઇટ ઉમેરવામાં આવી રહી છે, પરંતુ તે પણ પૂરતી નથી પડી રહી.
જો તમે પણ આ સમસ્યાનો ભોગ બન્યા છો તો તાત્કાલિક એરલાઇનની વેબસાઇટ અથવા કસ્ટમર કેર પર સંપર્ક કરીને રિફંડ કે રિશેડ્યુલની માહિતી મેળવી શકો છો.
